Albmát geat leat gillán seksuála
illasteami bajásšattadettiineaset

Ođđasat Fágaolbmuin

Mánnávuohta čuovvu du eallima miehtá

Dette skjer || Stikkord: ||

Gillánalmmái almmustahttá dál golbma video mat galget geavahuvvot kinorekláman ja relámakeahtes beivviid TV:s. Hellodagaid jo beasat daid oaidnit TV2:s ja TV Norge-knálas ja geasset beasat oaidnit Gillánalbmá riikka máŋgga kinos.

Sisdoallu lea ahte buot rávesolbmot leat leamaš mánát ja ahte vásáhusat bajasšattadettiin váikkuhit dutnje oppa eallima. Ollugat leat vásiahan ahte mánnávuohta juksá du iešguđetlágan dilálašvuođain. Rávesolmmožin don leat das dábálaš sihkkaris doaimmas ja fáhkkestaga don leat das dego mánáš menddo stuorra gápmagiiguin. Dábálaččat mii savdnilit dan eret ja joatkit beaivvi doaimmaid.

Dan olbmui geas lea traumatiserejuvvon mánnávuohta sáhttá mánnávuohta boahtit badjelii nu realisttalaččat ahte dat dovdo dáhpáhusa ođđasis vásáhussan. Dat gohčoduvvo ”flash-backs” ja sáhttá bistit sekunddaid rájes minuhtaid rádjai. Ollu traumatiserejuvvomat leat vásihan dan máŋgii ja sáhttet muitalit ahte dovdo vearrábun go vearrámus deattán. Muhtumiidda šaddá veadjemeahttun eallit dábálaš eallima nu guhká go dát fáhkkestaga bohtet. Dat lea dego vázzit miidnaeatnamis. Fáhkkestaga lea hádja, jietna dahje olmmoš mii bohciidahttá reakšuvnna. Logihkalaš čilgehusa haga.

Min vásáhus lea dat ahte lea buoremus hállat geainna nu ge mánnávuođa birra. Dohkket ahte dat lea du eallima oassi ja dan ii sáhte giige nuppástuhttit. Muhto, dattetge lea áibbas vejolaš oažžut buori eallima, mas mánná sajáiduvvá dan rávesolbmui mii don leat odne. Dávjá sáhttá veahkehi háleštit dakkár olbmuin gii lea leamaš seamma eanadagas ja danne mii Gillánalbmás rabasmielaid muitalit iežamet muitalusaid. Mii háliidit gaskkustit ahte lea vejolaš oažžut veahki. Dan maid don vásihat ii mearkkaš ahte don leat seahkanan, muhto dat leat dábálaš dávisteamit eahpedábálaš dáhpáhusaide.

Váldde oktavuođa olbmuin geasa don luohtát. Jus dus ii leat giige geainna don duosttat háleštit, de sáhtát mannat min neahttasiidui; www.utsattmann.no. Doppe don sáhtát oažut rávvagiid ja veahki it ge dárbbaš iktit iežat nama. Mii sáhttit maiddái veahkehit du oažžut oktavuođa olbmuiguin geat sáhttet veahkehit, ja várra mieđuštit du mátkki muhtun gaskii.

Eatnat giitu filbmabuvttadeaddjái, Christian Wulffii, ja min bivnnuhažžii, Caspianii, gii neavttaša máná filmmas. Eatnat giitu Stein Roger Sordalii ge, gii lea min diktán geavahit musihka. Ja ii ge unnimusat Mánáid-, nuoraid- ja bearašdirektoráhtii (BUF-dir), mii lea ruhtadeaddji. Dii lehpet veahkkin dehálaš barggus.