Juridihkalaš

Lagt ut: april 25, 2013

Mii leat leamaš nu lihkkoš ahte leat ožžon dieđuid das mat juridihkalaš vuoigatvuođaid gillán olbmos leat earret eará politiijii dieđiheami, veahkkeadvokáhta, buhtadasa ja eanebu oktavuođas. Dás gávnnat ollu ávkkálaš dieđuid.

Dáid dieđuid mii leat ožžon Thomas Benestad nammasaš advokáhtas dán advokáhtafitnodagas:
Advokatfirmaet Salomon Johansen AS

Diehtojuohkin lea dás: PDF-hámis.

 

VEAHKKEADVOKÁHTA

ADVOKÁHTAVEJOLAŠVUOĐAT

VÁIDIN POLITIIJII

DIGGEÁŠŠÁI RÁHKKANEAPMI

OADJEBASVUOHTA SIHKKARVUOHTA

BUHTADUS

GITTAUVSSAT DIGGELATNJA

Ung.no

Lagt ut: november 21, 2010

Mánáide ja nuoraide lea ollu diehtojuohkin illastemiid birra dás: ung.no/overgrep
Deaddil dákko beassan dihtii liŋkii ung.no/overgrep

Politiija

Lagt ut: mai 20, 2010

Jus don ealát dakkár dilis mas don leat rávesolmmoš ja vásihat illastemiid, de lea politiija sadji gos sáhtát bivdit veahki. Lea maiddái vejolašvuohta váldit oktavuođa politiijain jus don dieđát ahte eará olmmoš gillá rihkkumiid. Ovddeš illastemiid lea vejolaš váidit doppe, vaikke vel lea guhkes áigi dassážiigo illasteapmi lea dáhpáhuvvan.

Bearašsuodjaluskantuvrrat

Lagt ut: mai 20, 2010

Bearašsuodjaluskantuvra sáhttá veahkehit bearraša mii lea heađis. Doppe sii sáhttet omd. veahkehit oapmahaččaid muitalettiin mii sáhttá dahkkojuvvot ja mii galggašii dahkkojuvvot. Sii sáhttet maid oktiiheivehit máŋgga eiseválddi gaskasaš doaibmabijuid.

Mánáidsuodjalus

Lagt ut: mai 20, 2010

Jus lea sáhka olbmos gii ii leat deavdán 18 jagi, de lea vejolaš váldit oktavuođa mánáidsuodjalusain ja dáhttut doppe veahki. Mánáidsuodjalus árvvoštallá gullá go ášši sin ovddasvástádussuorgái dan vuođul makkár áššis lea sáhka. Mánáidsuodjalus sáhttá lágidit du viidáseappot BUP:i. Don sáhtát váldit oktavuođa mánáidsuodjalusain ivttekeahttá iežat nama digaštallan dihtii ášši ja lea go dat sidjiide gullevaš ášši. Muhtun gielddain lea mánáidsuodjalusfákta mii lea rabas maŋŋá dii. 16.00.

BUP

Lagt ut: mai 20, 2010

Dát lea fálaldat nuorra bártniide geat eai leat vel deavdán 18 jagi. Jus galggažat oažžut oktavuođa BUP:in (Barne- og ungdomspsykiatrisk poliklinikk/Mánáid- ja nuoraidpsykiatriijalaš poliklinihkain), de galgá du leat lágidan ovdamearkka dihtii fástadoavttir, eará doavttir, dearvvašvuođastašuvdna, skuvladearvvašvuođabálvalus dahje mánáidsuodjalus. Dát fálaldat lea nuvttá.

Gestaltterapevta

Lagt ut: mai 20, 2010

Dainna sáhtát ieš váldit oktavuođa, lágideami haga. Don fertet ieš máksit maid dat mávsseš. Rávvet du geavahit gestaltterapevttaid geat leat Norsk gestalt terapeut (NGF) lahtut go dalle dus lea váidalanvuoigatvuohta ja oaivadeaddjis lea geatnegasvuohta čađahit oaivadeami. Iešguđetlágan terapevttaid visogovalaš logahallan lea NGF web-siidduin.

Psykologat / divššárat

Lagt ut: mai 20, 2010

DPS sáhttá fállat iešguđetlágan psykologa- ja divššárdivššu, dárbbu mielde. (Oktagaslaš poliklinihkalaš divššu, joavkodivššu, jándorvuđot divššu jna.) Almmolaš veahkkevuogádagas gáibiduvvo doavttirlágideapmi oažžun dihtii psykologa-/divššárdivššu. Don mávssát iešoasi 2185 ru rádjai. Dat mii lea dan supmi stuorát, máksá oadjokantuvra (muitte vurket guittiid).
Veadjá leat golmma mánu vuordináigi ovdalgo oaččut dikšofálaldaga.

Jus dárbbašuvvo fáhkkatlaš veahkki de sáhtát gulaskuddat doavttirfávttain doppe gos don orut, lea go johtti fáhkkatlaš dikšojoavkku fálaldat/fáhkkatlaš psykiatriijalaš fálaldat. Doavttirfákta sáhttá lágidit fáhkkatlaš dikšui.

Dus lea vejolašvuohta váldit oktavuođa priváhta psykologain šiehtadusa haga. Muhto das leat sierra hattit ja sáhttá leat divrras. Priváhta psykologat geain lea šiehtadus, leat subsidierejuvvon ja danne hálbbibut.

Fástadoaktárat

Lagt ut: mai 19, 2010

Fástadoavttir sáhttá leat hállanguoibmi. Fástadoavttir sáhttá du lágidit viidáseappot divššáriid/psykologaid dikšui. Danne lea dehálaš ahte dus lea fástadoavttir geasa don sáhtát muitalit makkár váttisvuođain don ražat. Dus lea vejolašvuohta lonuhit fástadoaktára jus don vásihat ahte don it doarvái bures luohte iežat fástadoaktárii.

Dan gielddas gos don orut, sáhttá leat psykiatriijalaš buohccidivššára fálaldat jna. háleštemiid, dahje vejolaččat, doaimmaid várás. Dat molsašuddá gielddas gildii.
Gulaskutta ovdamearkka dihtii fástadoaktáriin mat veahkkefálaldagaid gávdnojit.