Albmát geat leat gillán seksuála
illasteami bajásšattadettiineaset

Ođđasat Fágaolbmuin

Gillánalmmái allaskuvllain ja universitehtain

Dette skjer || ||

Gillánalbmás lea áŋgiruššansuorgi beassat sisa skuvllaide ja allaskuvllaide diehtojuohkimiin ja ovdaságaid doallamiin. Ulbmil lea juksat oahpaheddjiide geat leat buot oahpahusdásiin, ja eanemusat ohppiid ja studeanttaid.

Psykologiijastudeanttat Birggonis

Jagi 2015 vásiheigga Gillánalbmá stivrajođiheaddji Svein Schøgren ja stivrra várrejođiheaddji Johnny Thorsen dan ilu ahte beasaiga galledit Birggona universitehta. Studeantasearvi lágida fágaeahkediid, ja ovtta fágaeahkeda moai leimme ovdaságadoallit. Eahkit álggi dan láhkai ahte šattai guhkes ráidu. Munnuide muitaluvvui ahte dábálaččat lávejit leat unnibuš go 100 studeantta dáin fáddáeahkediin, muhto dán eahkeda ledje guovtte geardái nu ollu studeanttat siste go uvssat giddejuvvojedje. Ja iešguđetlágan oahpposurggiid studeanttat bohte. Studeanttat čohkkájedje dego buolli čuovggat go moai juogadeimme muitalusaid ja vásáhusaid dakkár olbmuid bajásšaddamiin geat ledje gillán seksuála illastemiid ja maŋŋeváikkuhusaid maid ledje ožžon. Maŋŋá ovdaságaid bissánedje máŋggas ja dáhtto oktagaslaš háleštemiid, ja munnuide geat juogadetne iežame eanemus priváhta dovdduid. Dalle dovde moai ahte sáhka lei ollán guldaleddjiide, ja dalle dovdo ahte gánnáha dovdat bákčasa. Dát lei dakkár galledeapmi maid sihke mii Gillánalbmás ja forumeahkediid jođiheaddji oaivvildeimmet galggašii šaddat jahkásaš dáhpáhussan.

Buskeruda allaskuvla

Buskeruda allaskuvllas álggahuvvui diibmá joatkkaoahppofálaldat mii sisttisdoallá seksuála illastemiid mánáid vuostá. Ulbmiljoavku leat studeanttat ja earát geat barget olbmuiguin iešguđetlágan fitnuin, dego sisosionomat, poilitiijat, oahpaheaddjit jna. Oahpu jođiheaddji, Runi Børresen, bovdii Gillánalbmá searvat ovdaságain ovtta beaivvi semesteris. Rápmi sutnje, gii lea ádden ahte seksuála illastemiid gillájit albmát ge ja ahte illasteaddjit sáhttet maid leat nissonolbmot. Gillánalbmá Svein Schøgren muitalii iežas bajásšaddama birra mas son illastuvvui ja son juogadii iežas vásáhusaid maŋŋeváhágiiguin ja deaivvademiin veahkkevuogádagain. Studeanttat, geat ledje iešguđelágan agis ja gulle iešguđetlágan fidnojoavkkuide, jerre ollu buriid ja dehálaš gažaldagaid. Ovdaságadoalli bovdejuvvui boahtit ruovttoluotta ja dan son giitti lohpidii. Giitu Runi Børresenii gii lea dahkan álgaga dán kursii, ja Allaskuvlii mii lea čáhkken dasa saji.

Agdera allaskuvla

Čakčat 2015 doalai Gillánalbmá jođiheaddji, Jarle Holseter, ovdasága Agdera allaskuvllas, ovttas Raymond Lønberg nammasaččain, gii bargá seksuála illastemiid vuosttaldeaddji doarjjaguovddážis. Ovdal leaba Gillánalbmái gulli Jarle Holseter ja Svein Schøgren doallan fáddáeahkeda Agdera allaskuvlla sosionomastudeanttaide. Dat lihkostuvai bures ja mii háliidivččiimet ahte dakkár fáddáeahkedat šattašedje jahkásaš dáhpáhussan.
Gillánalmmái háliida galledit juohkelágan skuvllaid diehtojuohkimiin ja ovdaságaiguin, muhto okta váttisvuohtan leat golut dakkáriid oktavuođas. Eanaš skuvllain lea ráddjejuvvon ruhtavárri ja dat eai vuorut dán fáttá. Muhto mii ávžžuhit oahpaheddjiid, studeanttaid ja skuvlajođiheddjiid váldit oktavuođa minguin. Ovttasráđiid mii sáhttit gávdnat vugiid mo mii dán váttisvuođa čoavdit. Go Gillánalmmái galledii sosionomastudeanttaid Agdera allaskuvllas, de dan ruhtadedje skuvla ja fágasearvi ovttas. Čovdoš hutkáivuohta čuolmmaid.

Av Svein Schøgren