Albmát geat leat gillán seksuála
illasteami bajásšattadettiineaset

Ođđasat Fágaolbmuin

Illastii go su áhčči su mánnán?

Spørsmål og svar || ||

Gažaldat:

Hei. Dovddan albmá gii lea boarrasabboš go 40 jagi ja gean mun jáhkán su áhčči illastii mánnán. Ii dárbbaš leat seksuálalaččat, muhto muhtun láhkai seksa oktavuođas, ja mii dál boahtá oidnosii dan láhkai ahte son fuonáša iežas ja ahte sus leat váttisvuođat nu gohčoduvvon dábálaš olbmuid gaskasaš gaskavuođaiguin. Sus ii leat buorre ekonomiija, makkár vejolašvuođat de livčče sus oažžut veahki áddet dáid váttisvuođaid čiekŋaleappot? Son lea dieđusge áibbas dárpmeheapme hupmat iežas birra, muhto issoras čeahppi hupmat earáiguin sin váttisvuođaid birra. Go eat dieđe lea go son illastuvvon vai ii, de ii leat várra dát siidu ge rivttes sadji, nu ahte cavgileami válddášeimmet vuostá giitevaš gieđaid.

Vástádus:

Hei.

Nu go don čálát de ii leat álo nu álki hupmat iežas hástalusaid birra, muhto dat goit láve veahkehit. Dovddan iežan das man birra don čálát, muhto váttisvuođat sáhttet čatnasit eará áššiide go seksualitehtii mat sáhttet leat sivvan dasa ahte son lea nu mo son lea. Jus dudnos lea buorre gaskavuohta, de sáhtát jearrat viehka njuolga lea go son vásihan man ge lágan illasteami. De sáhtát ovdamearkka dihtii jearrat lea go das miige oktavuođaid veahkaválddálašvuođain, seksualitehtain vai eará dilálašvuođaiguin. Ii leat daddjojuvvon ahte oaččut makkárge vástádusaid, muhto dieđán ieš ahte dakkár gažaldat vuolggaha jurddašeami mii dáidá váikkuhit dasa ahte son maŋŋá háliida hupmat dan birra.

Gávdnojit máŋga fálaldaga maid lea álki oažžut ja mat leat nuvttá. Jus illasteamit čatnasit seksualitehtii, de sáhtát gávdnat doarjjaguovddážiid vuolábealde liŋkkain:

www.fmso.no

www.ssmm.no

Vare livččii dát veahkkin.

Dearvvuođaiguin Odd Sverre