Arkiiva

Uhccán skihpárat

Gažaldat:

Mun illastvvojin mánnán, muhto lihkus lean ožžon veahki psyhkain, muhto munnje lea ain váttis oažžut gándaskihpáriid. In dieđe maid galggažan dahkat dahje dadjat, várra lea nu ahte mus leat eahpádusat albmáide ja munnje lea ain váttis luohttit eará albmáide. Mo galggan beassat eret dán balus? Ja mo galggan gávdnat ustiba?

Vástádus:

Hei.

DDat ahte dus leat eahpádusat albmáide, lea áibbaš lunddolaš reakšuvdna dasa maid don leat vásihan mánnán! Mus lea maid leamaš nu ahte mus leat leamaš váttisvuođat albmáiguin. Mus leat leamaš eahpádusat ja uhccán gándaskihpárat. Mu illastii almmáiolmmoš. Ádden ahte dus ge lei nu.
It čále maidege dan birra ahte oaččut go ain divššu/veahki. Mun lean maid ožžon veahki, ja finan ain hálešteamen psykologain. Guhkes áiggi maŋŋágo johten háleštemiin psykologa luhtte ja eará terapevttaid luhtte, de duostagohten veahážiid mielde luohttit eará albmáide. Lean maid deaivan eará gillán albmáid, ja dat orui álggos veaháš imaš. Muhto lei buorre beassat háleštit eará gillán albmáiguin, geat ledje seamma dilis go mun ge. Lean vázzán guhkes bálgá ieš ge, muhto háliidan ahte don galggat diehtit dan ahte doppe lea doaivva. Lea dehálaš ahte háleštat dán fáttá birra iežat psykologain/terapevttain jna. Váldde áinnas ge fas oktavuođa.

Dearvvuođaiguin Johnny