Albmát geat leat gillán seksuála
illasteami bajásšattadettiineaset

Ođđasat Fágaolbmuin

Boarásmanáigemearri

Spørsmål og svar || ||

Gažaldat:

Ođđa ráđđehus áigu sihkkut seksuála illastemiide guoski boarásmanáigemeari. Buorre, muhto dat ii oaččo máhcciváikkuheaddji fámu. Eai ge háliit earuhit lága dárkileabbon dahkat. Dat ii leat doarvái dohkálaš. Justiisadepartemeanta vástida munnje 05.11.2013 ahte dat lea vuođđolága paragráfa 97 geažil, mii dadjá ahte lágat eai sáhte oažžut máhcciváikkuheaddji fámu. Geavadis dat mearkkaša ahte dakkár láhkarievdadusat main sáhttet leat eahpeoiddolaš váikkuhusat olbmuide (sidjiide geat leat rihkkon lága), eai galgga váikkuhit daidda dáhpáhusaide mat leat dáhpáhuvvan ovdalgo láhkarievdadus bođii fápmui. Sii lasihit ahte sii áigot bargat dan ala ahte politiija šaddá dakkár beaktilis organisašuvdna mii dás duohko nagoda bissehit illasteddjiid geat illastit mánáid. Orru leamen buorre. Vástádus ii hirpmástuhte mu, muhto mun ledjen doivon ahte ledje sáhttit árvvoštallat juohke (boarásmuvvan) ášši sierra. Mun oaivvildan ahte go lea dakkár ášši mii lea boarásmuvvan ja mas illasteaddji ain lea doaibmi pedofiila, na dalle han gal ferte spiehkastit boarásmanáigemearis. Lean sakka behtohallan go justiisadepartemeanta ii oainne dan seamma láhkai.

Vástádus:

Giitu mailla ovddas ja dakkár stuorra čuolbmačilgehusas mii guoská hui ollugiidda.
In sáhte leat eanet ovttaoaivilis duinna, ja mus lea alddán dakkár ášši mas váidojuvvon olmmoš lea mieđihan leat sivalaš, muhto beassá eret boarásmanáigemeari geažil. Ášši heaittihuvvui. Illasteaddji ii oaččo oppa “merkestagaid” ge iežas meannudanduođaštussii ja sáhttá joatkit seamma doaimmas go das mas illasteamit dan áigge dáhpáhuvve, ja dat lea áibbaš dohkkemeahttun mu mielas. Go vel politiija ge lea heađástuvvan dakkár lága geažil mii ii leat rievdaduvvon jagi 1902 rájes.
Ii leat miige eará ráđiid go ovttas rahčat oažžut vai oažžut rievdadusa ja doaivvun don ge leat ovttamielas.
Ps! Mii rávvet dál olbmuid geat leat dán vártnuhis dilis, vuordit váidimis dassážiigo boarásmanáigemearri lea heaittihuvvon jus lea áibbas čielggas dálá lágaid vuođul ahte dat boarásmuvvá.

 

Dearvvuođaiguin

Jarle