Arkiiva

Mii lea illasteapmi?

Gažaldat:

Mu isit deaivvai muhtun nissona musihkkajoavkkus. Dat sálvvai sutnje ja rámidii su hirbmadit. Dasto lei buot nu surgat, su lei leamaš nu lossadis mánnávuohta ja náittosdilli, ja son dárbbašii ollu veahki ruovttus. Muhtun eahkeda go son lei feaskáris vuolgimin, de nisu cummestii su, maid son dadjá ahte ii lean oppa vuordimin ge. Nisu luvvii su boahkána ja rabai su buksacuobi. Buot dáhpáhuvai nu jođánit ja eahpelihkostuvai oalát. Maŋit háve (mo máhtii son fas galledit su?) dat čájehii pornofilmma. Sus lei issoras fápmu, ja son lei dego laktojuvvon jorri mii dušše čuovui. De bohte áitagat. Dat háliidii su botket oktavuođa bearrašiin ja fárret su lusa. Son biškkui, čearggui ja lei nu suhttan. Mu isit suorganii jámas, ja geahččalii juohke láhkai jaskkodahttit su. Son lei darvánan fierbmái. Son geahččalii čađat gávdnat ákkaid. Dat válddii máŋgii oktavuođa suinna barggus. Gávnnahuvvui ahte sus lea váibmogirddáhat ja oaččui gáldnanvigi, muhto lea dál buorráneamen.

 

Vástádus:

Hei.

It čále maidege dan birra man guhkes áigi golai. Lea go bistán guhká? Leat go don, leahppi go doai árvvoštallan váldit oktavuođa politiijain ja vejolaččat maiddái árvvoštallan váidit dán persovdnadoarrádallamin? Mii rávvet váldit oktavuođa politiijain.
Háliidan namuhit ahte mii eat leat dikšunorgána ja ahte mii dušše rávvet jna.

Dearvvuođaiguin Johnny, Gillánalbmá doaimmahus