SMIGažaldat:
Mii leimmet máŋga nuorra gándda geaid muhtun pedofiila homoseksuála almmái illastii. Máŋgasis mis leat ja leat leamaš stuorra váttisvuođat rávesolmmožin.
Guovttis mis leat dál jápmán, nu menddo árrat.
In dieđe leš go dat mu vahágahttán, muhto mus lea alddán bures rávásmuvvan agis eahpedábálaš stuorra seksadárbu.
Illasteamit dáhpáhuvve guhkes áigodaga ja ollu nuorra gánddat illastuvvojedje.
Jugahii midjiide vuola ja viinna ja hohkahii min oađđenlatnjii dahje gievkkanii gos son válddii bađa ja onanerii min.
Máŋga rávesolbmo dihte illastemiid birra, muhto eai dahkan maidege. Earret eará lei illasteaddji viellja dovddus almmái guovllus, ja son diđii dan birra muhto ii dahkan maidege. Máŋggas earát dihte dan birra dan uhca báikegottážis.
Eai sii ge dahkan maidege.
Mu oabbá lei maiddái dovddus olmmoš, son maid diđii illastemiid birra, muhto ii son ge dahkan maidege.
Munnje lea hui bahča ahte ii oktage rávesolbmuid dahkan dainna maidege.
– S
Vástádus:
Hei S.
Lea váivi gullat du vásáhusaid birra maid don leat nu divrasii ferten gillát. Dađe bahábut leat ollu muitalusat main muhtumat geat dihtet illastemiid birra eai ge duostta dahkat dainna maidege. Mu vásáhus lea ahte jus olmmoš galggaš daid oažžut eret oaivvis ja mielas, de ferte dainna bargat juoidá, amas dat jurdagat muhtun áiggi geažes eai jorragoađe oaivvis. Mun ožžon veahki muhtun olbmuin geaidda mun luhtten, ja sii movttiidahtte mu váldit oktavuođa doarjjaguovddážiin. Doppe lean maŋŋá ožžon buori veahki čorget iežan jurdagiid.
Eará vejolašvuohta lea maid váldit oktavuođa fástadoaktáriin, ja dan bokte oažžut veahki almmolaš veahkkeásahusain.
Ražas, ale vuollán. Váldde oanehis lávkkiid háválassii iežat leavttuin.
Dearvvuođaiguin Odd Sverre.