Arkiiva

Gažaldat:

Mun smiehtan lea go soaittáhagas ahte albmát geat leat “groavvát” illastuvvon mánnán, ožžot meannudanváttisvuođaid rávesolmmožin?
..ahte sii geat sado geažil šaddet hibmui.. dovdat bákčasiid, njuorasmuvvat dahje seksuálaččat illastuvvot lea go das oktavuohta “mánnávuhtii”??
Vuorddán vástádusa gealdagasas,

Mvh
A.

Vástádus:
Hei A.
Mii leat váldán oktavuođa hárjánan psykologain gii attii dán vástádusa:
Mii eat dieđe mii du mielas lea “groavvát” illastuvvon, muhto dábálaččat lea nu ahte go olmmoš lea vásihan beahttima ja traumaid mánnán, de das cigget váikkuhusat. Muhtumiidda han dat iešalddis dagaha dohkkemeahttun láhttema ja uhcit návccaid okto birget. Dieđusge sáhttá dat váikkuhit seksualitehta ovddideapmái, omd. mas leat váttisvuođat psykologalaš lagasvuođain, heahpat, váttisvuođat go ii liiko iežas rupmašii jna. Midjiide ii leat erenoamáš oahpis dat ahte illastanvásáhus dagaha sadisttalaš ja/dahje masochisttalaš láhttenvugiid. Ollugat várra oaivvildit ahte seksuála láhttenvuogit vulget mánnávuođas. Nu lea ge vástádus juo – ii vástádus. Mii eat dieđe, muhto mii eat leat vásihan ahte dat galggašii leat mihtilmassan albmáide geat leat gillán illasteami.
Mii doaivut dás ledje muhtun vástádusat. Jus háliidat eanet vástádusaid, de sáhttá leat buorre jurdda váldit oktavuođa fágaolbmuiguin, juogo almmolaš ásahusain dahje doarjjaguovddážis.

Dearvvuođaiguin
Gillánalbmá doaimmahus