SMIGažaldat:
Lean aiddo riegádahttán čábbámus unna bártnáža, ja sávan sutnje buot mii lea buorre eallimis. Mu surgeha go 5 % buot bártniin leat vásihan seksuála illasteami ja go 85 % illastemiin dahket muhtumat geaid mánná dovdá. Mo sáhtán mun eadnin gáhttet iežan bártni illasteddjiin?
Vástádus:
Hei ja lihku dutnje ja unnoražžii. Ipmirdan bures du dovdduid, go mus leat alddán smávvamánát. Jáhkán ahte deháleamos lea duddjot buori gaskavuođa iežat bárdnái, vai son dovdá dan ahte sáhttá hupmat duinna buot dan birra mii lea váttis. Mii leat válljen hupmat mánáiguin dan birra ahte doppe leat rávesolbmot geat eai lea šiegat mánáide. Seammás mii leat hupman rájáid birra. Gokko sáhttá rávesolmmoš njávkat máná, ja makkár dilis sáhttá rávesolmmoš iskat máná vuolledábiid. Mánná ja rávesolmmoš eaba sáhte leat ráhkkásaččat jna. Dehálaš lea maid hupmat dan birra maid mánná sáhttá dahkat go juoga lea dáhpáhuvvan mii lea váttis, geainna son sáhttá hupmat…
Dađe mielde go mánná stuorru ja geavahišgoahtá Interneahta, de leat mii hupman veaháš neahttajierpmi birra, ja veaháš njuolgadabbot dan birra maid seksuála illasteapmi mearkkaša. Návddaš áiggi unnoraččain.
Dearvvuođaiguin Odd Sverre