SMIMohtorsihkkelvuoddjit veahkaválddi ja seksuála illastemiid vuostá
Mohtorsihkkelvuoddjit bohte vuoji riikkaoasi miehtá, go Safety MC bovdii biker-deaivvadeapmái čalmmustahttin dihtii fáttá veahkaválddi ja mánáid seksuála illasteami birra, lávvardaga suoidnemánu 21. beaivvi. Easkka šaddan MC-eaiggádin lei erenoamáš vásihit čaffadis albmáid tatoveremiiguin rupmaša miehta, ja Harley Davidson-mohtorsihkkeliid mat leat stuorrát dego biillat, go dat bohte jura NAF-rusttegii mii lea Geiteryggen girdišilju bálddas Skienis. Dieđusge lean ovdal ge vásihan biker-joavkkuid, muhto ahte sii bohtet guhkes gaskkain čájehan dihtii doarjaga servodaga heajumusaide, njuorasmahtii mu čiekŋalit.
Ollu searvvit ledje ovddastuvvon čájeheamis: Compradres, Agder Wings, Asker MC klubb, Kokkejævler, Kverken, Militære veteraners MC-klubb ja máŋga eará. Jearaldahkii manne sii leat boahtán lágideapmái, vástidedje buohkat ahte sii bohte doarjut Safety MC go dat vuosttilda illastemiid. Náittospára Carl Fredrika ja Rachel Johansena álgga ja rahčan lei vuolggahan nana jurddaváikkuhusa.
SMISO Telemark lei ovttas Safety MC-servviin lágideaddjin. Jođiheaddji Inger Lise Stølsvik, doalai áhcagas ávžžuhusa, mas son muittuhii ahte hui ollugat vásihit seksuála illasteami eallimisttiset. Rihkkumat dáhpáhuvvet ollu dávjjibut go olbmot liikojit jurddašit, ja dat lea jávohis iđa. Eatnašat eai duostta hállat dán birra, ja fertejit guoddit heahpada ja sivalašvuođa dovddu ovttat čihkosis. Danne lea nu dehálaš ahte muhtumat ožžot fáttá oidnosii ja albmosii, geat sáhttet dadjat mánáide ja rávesolbmuide ahte lea doaivva, ja ahte leat olbmot geaidda lea vejolaš muitalit duohtavuođa.
Mii leimmet golmmas utsattmann.no-olbmuin, geat leimmet mielde dán čalmmusteamis, namalassii Jarle Holseter, Billy Castillo og Svein Schøgren. Mii leat vásihan ahte illasteaddjit leat billistan mánnávuođa jagiid, muhto geat odne geavahit ollu áiggi eastadanbargui, ja fállamii doarjaga sidjiide geat lossadit rahčet seamma sivaid geažil. Danne lei gudni beassat doarjut dán lágideami.
Go čuččodin allin várdosis ja válddášin govaid korteššas, de gullojedje garra jullamat Telemárkku váriid gaskkas dán maŋŋilgaskabeaivvi. Na, eai dat lean almmi eŋgelat, muhto eŋgelat mohtorsihkkeliiguin geat vudje 12 miilla báikkis báikái čáppa eanadagas. Sin sáhka sáddejuvvui nu ahte buohkat fertejedje dan gullat. Diktet unna mánážiid orrut ráfis ja lihkatkeahttá, allet gotte jávohisvuođain dan ahte unnimusat min searvvis illastuvvojit. Go sii vudje meattá mu vulobealde de sivvu mus soiggii, ja čirrojin ilu geažil
Dát lei doaivaga beaivi, ii ge dát leat maŋimus beaivi go bikerat vudjet ráidun mánáid vuoigatvuođaid doarjjan Telemárkkus
Svein Schøgren
