SMIGažaldat:
Hei!
Gillájin dáhpáhusa Espánnjas go ledje 14 jagi boaris. Mannen veaskobuvdii oastit veaskku iežan oabbái. Buvdaeaiggát hálahii mu siskkit latnjii gos mun njammen su. Mii mu lea givssidan, lea ahte mun mannen ruovttoluotta nuppi beaivve ja dahken dan seammá. Dál lean 45 jagi boaris, muhto jurdagiidda badjánit oppa áigge dát dáhpáhusat, ja mun dubmen iežan, erenomážit dannego mannen ruovttoluotta fas.
Vástádus:
Hei.
Buorre go válddát oktavuođa, dat lea vuosttaš lávki dan áddejumi duođaštuvvomii ahte it berre dubmet iežat. Dovddan iežan sánis sátnái das maid don čálát. Mun maid “válden oktavuođa” iežan illasteddjiin gii lea almmáiolmmoš, ja “álggahin” máŋga illasteami “geargat eret”. Go dalle dihten ahte ledjen “oadjebasas” muđui dan beaivve. Dat dovdu ahte don sivahalat iežat, lea áibbas lunddolaš reakšuvdna áibbas eahpelunddolaš dáhpáhussii! Dan psyhkalaš badjevuoimmi maid illasteaddji cieggada illastemiin, sáhttá oaččohit máná/nuora boahtit ruovttoluotta fas, “seamma” dillái. Ovdamearkka dihtii váldit oktavuođa seamma olbmuin (illasteddjiin) fas. Rávven du ságastit muhtun olbmuin dan birra. Dakkár báiki gos sáhtát ohcagoahtit dieđuid ja lohkat dan birra, lea www.fmso.no mii lea searvi seksuála illastemiid vuostá. Sáhtát áinnas ge fas čállit midjiide.
Dearvvuođaiguin Johnny
Gillánalbmá doaimmahus