SMIGažaldat:
hei! Lean ovdal čállán didjiide, go mun gillájin seksuála illastemiid dan rájes go ledjen 13 gitta dassážii go ledjen 16 ja vel go ledjen 19,5 jagi, de dađi bahábut illastedje eará bártnit/albmát mu dalle. Dovddan muhtunlágan heahpada. In beroš seksas jna. Lea go dat lunddolaš? Bárdni 23,5
Vástádus:
Hei bárdni 23,5
Eatnašat geat vásihit seksuála illastemiid bajásšattadettiineaset, rahčet heahpadiin ja sivalašvuođa dovdduin vaikke vel sivva ÁLO galgá biddjojuvvot illasteaddjái dahje illasteddjiide.
Geavahan dál iežan ovdamearkan gii vásihin groavva seksuála illastemiid mánnán, go máŋggas illastedje mu.
Heahpat ja sivalašvuođa dovdu givssidii mu buot daid jagiid dassážii go ohcen veahki doarjjaguovddážis dáppe gos mun orun Sørlánddas, go ledjen 37 jagi.
Dihten gal váimmustan ahte dat lei illasteddjiid sivva, muhto heahpat stuorui agi ja jagiid vássima mielde. Dat máŋgga láhkai oaččuhii mu meannudit dohkkemeahttumin go munnje šadde váttisvuođat rájáid bidjamiin nuorran ja mealgat rávesolbmo agis ge.
Dat gohčoduvvo relašuvdnavahágin maid mun rávven du gieđahallagoahtit nu fargga go beare sáhtát.
Muitte, dus ii leat MIHKKEGE sivaid das mii dáhpáhuvai ja iežat dihtii berret ohcat veahki gieđahallat dan mii dáhpáhuvai dutnje. Doaivvun dus lea vejolašvuohta fitnat doarjjaguovddážis doppe gos don orut. Diŋgo áiggi ja álggat barggu. Lohpidan dutnje ahte dus buorrána dilli ollu boahtteáiggi jus dál álggát bargat dainna.