SMIGažaldat:
Lean 28 jahkásaš almmái guhte illástuvvojin roavvát seksuálalaččat ollu gerddiid go ledjen 8-10 jagi boaris. Illasteaddji lei vuoras almmái lagasbirrasis gean buohkat dovde ja mu ge bearaš. Mannan vahkus de jámii almmái 74 jahkásažžan ja dál smiehtadan galggažan go muitalit iežan bearrašii dan mii dáhpáhuvai? Maid dii jurddašehpet dan birra?
Mun ražan beaivválaččat baluin, heittogis iešdovdduin ja munnje lea váttis oažžut lagas gaskavuođa nissonolbmuide.
Vástádus:
Hei.
Mun oaivvildan áibbas vissásit ahte don galggat muitalit iežat bearrašii mii dáhpáhuvai dutnje mánnájagiid. Dehálaš lea oažžut doarjaga bearrašis. Váttisvuođat maid birra čálát, leat áibbas dábálaččat albmáin geat leat illastuvvon seksuálalaččat. Dasa lasiin galggašit maid várra váldit oktavuođa muhtun doarjjaguovddážiin ja iežat fástadoaktáriin. Guktuid sajiin veahkehit du viidáseappot.
Don soaittát dađistaga dárbbašit psykologa ja dalle ferte fástadoavttir beassat gullat dan vai sáhttá lágidit du vuogádagain viidáseappot. Áibbas vejolaš lea gieđahallat máhtolaš divššuin (doaktára, psykologa ja doarjjaguovddážiid vehkiin) daid traumaid mat dus leat mánnávuođas. Sávan dutnje lihku ain ovddas guvlui ja muitte fal ahte don leat okto iežat vásáhusaiguin. Sivalašvuohta gullá ÁLOT illasteaddjái.
Dearvvuodaiguin Jarle