SMIGažaldat:
Mu bárdni muitalii munnje maŋŋá buot daid jagiid, son lea dál 19 jagi boaris, ahte son veagalváldojuvvui dan rájes go son lei 7 jagi boaris dassážiigo lei 12 jagi boaris. Miehtá juovllaid lei deattán. Mii leat dan váidán politiijii ja ožžon advokáhta veahkehit min dainna. Muhto mun lea nu heađástuvvan. Mis ii leat oktage gii veahkeha min. Mu bárdni lea vázzán dušše nuoraidskuvlla, ja álggii musihkkaskuvlii. Válden su eret musihkkaskuvllas go fárriimet eará gávpogii. Aiddo dál lea son mannan olggos. Son lohká, eadni, mun in háliit šat eallit. Mu gitáras, masa mun liikon nu bures, eai boađe šat nuohtat. Eadni, mun in sáhte šat lávlut, mu jietna ii háliit šat go mu oaivvi siste lea nu fuck up. Son dajai ahte go son dan muitalii, de lei dego buot dáhpáhuvai ođđasit. In dieđe maid galggažan bargat. Su čalbmevuolit leat áibbas čáhpodan. Son ii oađe. Son dadjá, eadni, mun in bargga, Nav ii leat veahkehan mu oažžut barggu. Mus ii leat mihkkege skuvllaid, don váldet mu olggos das, čohkkán dás in ge dieđe mii lea riekta ja boastut. Mii galgat muhtun psykologa lusa ihttin, muhto son lea nu dolkan hállat dan birra ahte son háliida skuvlii, muhto dadjá ahte sus ii leat mihkkege maid bargat. Son lea 2 jagi leamaš barggu haga. Son fidnii barggu. Son galggai bargat guvttiin albmáin geat ledje čohkkán giddagasas. Nubbi dajai ahte don várra dieđát ahte mun lean čoahkkán giddagasas ja don dieđát makkár eannjehas jurdagat mus leat dakkár gánddaid birra go du birra. Don leat várra nuoramus dáppe. Mu bárdni suorganii jámas ja mii hálaimet dan birra Navain ja earáiguin, muhto ii oktage veahkehan, sii dadje ahte mu bárdni ii heiven dan bargosadjái. Mun dadjen Navii ahte dát lea rihkkun, ja sii mieđihedje dasa, muhto dál son fertii čielggadeapmái gávnnahit lea go sus adhd. Lea hui buorre go dat boahtá ovdan. Livččii galgan boahtit ovdan áigá juo. In ádde ahte sáhttet jearrat nu jallas gažaldaga? Livččii áigi ahte dat biro pedofiillat ihtet čuovgga ovdii, ahte sii gávnnahallet ja dubmehallet dan geažil maid sii leat dahkan. Sii leat goddán, dat leat garra sánit, muhto nu dat lea. Sii leat rivven mánáin vuoigatvuođa eallimii. Dan mun vásihin go mu bárdni bođii ruoktot ja muitalii. Mun suhtten nu sakka. Mo sáhttet pedofiillat atnit smávva mánáid ja aittonassii čuohpadit daid smávva bihttán. Mu mielas galggašedje ieža beassat dovdat dan bákčasa mii mánás lei. Jus sivahis mánná gártá dovdat dan issoras bákčasa balu ja heahpada geažil jna., de mun háliidan ahte sii beassat dovdat dan geat leat dagahan buot dán. Mun vašuhan pedofiillaid, sii leat bilidan dan mii lea fiidnámus sivaheami.
Vástádus:
Hei Mor.
Dii lehpet juo dahkan dan dehálepmosa, dii lehpet háleštan dan birra, illasteami ii galgga goddit jávohisvuođain, dan galgá goddit háleštemiin!!!!!!!!!!!
Galggat diehtit ahte dát lea vuosttas ja losimus lávki, bures bargojuvvon, mu mielas.
Du bárdni dárbbaša veahki dálánaga, mun jáhkán.
Deháleamos lea bargagoahtit johtilit, mađe guhkit du bárdni gillá dáinna, dađe eanet son billašuvvá.
Dan maid du bárdi ii galgga dahkat/dii ehpet galgga dahkat, lea hállat vaikke geaiguin dán birra, suodjalan dihtii iežadet.
Eallin lea doarvái lossat nu mo dat lea, olbmot eai dárbbaš din sealggabealde sárdnut.
-Lehpet go fitnan psykologa luhtte dahje áigubehtet go?
-Mus lea alddán buorre oktavuohta Nain, jearat Nava ofelačča, du bárdni dárbbaša dan ja sus lea vuoigatvuohta oažžut dan.
Mu psykologa ovttasbarggai mu Nava ofelaččain ja dat manai hui bures.
Jeara fal, áiggun vástidit nu bures go jo nagodeaččan.
Jus orrubehtet lahka Oslo, de galgabehtet beare čuojahit SSMM:i. Geahča Gillánalbmá siiddu.
Mus leat beare buorit sánit SSMM’ birra.
Dán mun sáhtán dadjat du bárdnái iešsorbmema birra; ALE DAGA DAN.
Lea gal mus ge guhká leamaš lossa jurdagat iežan heakkahuhttima birra (ale duššat áiggi dasa), de lea illasteaddji vuoitán.
Dát lea du eallin maid don galggat eallit.
Don gánda dat galggat doallat oaivvi loktosis, don it leat dahkan maidege boastut, dát ii leat du sivva.
Jáhke munnje, in mun dájo.
Muđui leat ollu oaivilat pedofiillaid birra,
dat ahte sii billistit earáid eallimiid, lea áibbas čielggas.
Muhto ale heađástuva, veahkki lea oažžumis, jáhkán ahte lea hui dehálaš álggahit barggu árrat.
Ollu lea mii duođašta ahte guoddit dákkár čiegusvuođaid, lea njulgestaga billisteaddji.
Dutnje eadnin, de dat njuorasmahttá mu sakka gullat maid don leat bargan ja oaidnit maid don leat čállán, máilbmi dárbbaš dakkár etniid geat beroštit.
Čále gažaldagaid, de dat galget vástiduvvot.
Dearvvuođaiguin
Tomm Erik