SMIGažaldat:
Hei
Munnje lea din ruovttusiidu guhká leamaš oahpis – muhto easkka odne oidnen dis guoktása TV2:s.
Vuos leat mus dušše buorit sánit dan doaimma birra maid dii lehpet álggahan. Čálán didjiide go smiehtan lea go son din mielas vejolaš “geargat eret” dainna ahte olmmoš lea illastuvvon sekuálalaččat máŋggaid jagiid. Dat lea mu áigumuš ja doaivva. Seammás badjánit millii muhtun muittut muhtumin mat čielggasmahttet gova.
Soaittáhagas ihtigohte áššit – go lohkagohten psykologan golbma jagi dás ovdal. Mun lean ieš máksán jagi terapiija ovddas EMDR:in ja ožžon ávkki das. Ieš háliidan šaddat traumaspesialistan oahpustan. Váttisvuohta lea muitit mii dáhpáhuvai. Geavahin maiddái rohypnola.
Nubbi gažaldat mus lea olbmo rabasvuođa birra go lea illastuvvon seksuálalaččat. Muhtumat jáhkket ja earát fas eai jáhke. Ja eará reakšuvnnat ge sáhttet boahtit. Go in dieđe reakšuvnnaid ovddalgihtii dahje váikkuhusaid das ahte muhtun eará olmmoš diehtá, de dat dagaha ášši eanet mohkkájin. Jus dii sáhttibehtet geažidit rávvaga dás, de mun livččen duhtavaš.
Dearvvuođaiguin O
Vástádus:
Hei O
Ieš lean máŋgga jagi rivttes ja eallindehálaš divššu geažil viimmat oaidnigoahtán ivnniid fas iežan eallimis jus áddežat maid mun oaivvildan. Proseassa lea leamaš guhkki, lossat ja mohkkái, muhto oainnán dál ahte dat gal lea leamaš riekta aŋkke munnje. In vajáldahte dan mii dáhpáhuvai munnje mánnán, muhto lean muhtun láhkai oahppan eallit dainna mii dáhpáhuvai ja gillájeaddjin menddo rávásmuvvanahkái, de dál lea eallin ollu buoret munnje ja sidjiide geat leat mu birrasis. Ferten maid čállit ahte gillánalmmái-fierpmádat lea munnje mearkkašan ollu ja dat ahte lean beassan deaivat eará áidnalunddot albmáid sin muitalusaiguin, lea dagahan ahte mis lea issoras buorre oktavuohta ja munnje dat lea maiddái muhtunlágan terapiija. Buohkaide lea buorreboahtin min lusa beroškeahttá sin sojus, religiovnnas dahje duogážis. Rabasvuođa gažaldaga hárrái lean áibbas čielggas das ahte dutnje, O, ja du prosessii lea áibbas mearrideaddjin muitalit muhtumii. Mii EAT galgga heahpanaddat masge mii ii oppanassiige lean min sivva. Áidna olbmos geas lea sivva, lea illasteaddjis, dan lea mun mielas dehálaš muitit. Váttis gal sáhttá leat, muhto sutnje gii illastuvvui mánnán, lea nu mielahis billisteaddjin čiegadit dáhpáhusaid. Don DIEĐÁT MII dat dáhpáhuvai ja dat han lea ge mii oppanassiige mearkkaša maidege, muhto lea maid čielggas ahte dehálaš lea dat ge ahte dutnje jáhkket.
Sávan dutnje ollu lihku viidáseappot ja ale fal bala váldimis oktavuođa fas.
Jarle