SMIGažaldat:
Dan rájes jo go ledjen čieža jagi boaris lean vásihan iešguđet áššiid iešguđet boarrásat bártniiguin. Dás lea sáhka bártniin geat ledje njeallje gitta guhtta jagi boarrásabbot go mun. Álggii nu ahte mun 7- jahkásažžan bággejuvvojin geahččat boarrásat bártni onaneremin ja oktii fertejin geahččat ovttas su oappáin. Go muitalin dan ruovttus, de sii eai váldán mu duođas. Maŋŋá ledje gohttenmátkkit boarrásat bártniiguin geat háliidedje mu onaneret sin ja sii háliidedje mu onaneret ja čađahit anála anašeami vaikke vel ledjen sullii 11 jagi, ja dat han lei gelddolaš! Muhto lea go dát dábálaš vai lei go muhtun muddui illasteapmi? Lean maŋŋá eallimis rahčan badjelmearálaš balahahkesvuođain morsiid ektui ja álo leamaš sihkkar das ahte earát ledje eanet bivnnuhat sidjiide! Mus lea leamaš ollu ballu dan dihtii. Jurdagat mat leat cieggan millii. Munnje leat seksuála gaskavuođat nissoniidda šaddan dakkár gilvun mas galggan addit iežan morsiide ollu buoret seksuála vásáhusaid go dan maid sii leat vásihan ovdalis irggiiguin. Dat lea munnje dan muddui dehálaš ahte iežan vajáldahtán. Ja oppa áiggi jorret dat jurdagat mu oaivvis das maid son sii leat vásihan sin ovddeš irggiiguin?
Vástádus:
Hei Kai.
Buorre go nagodit sáddet mailla midjiide. Vástidan nu bures go nagodan. Dat maid don leat vásihan, lea eahpitkeahttá seksuála illasteapmi. Muitalat ahte don ledje sullii 7 jagi, ja boarráseamos lei sullii 6 jagi boarrásat go don, namalassii sullii 13 jahkásaš nuorra ja earát. 7-jahkásaš lea mánná, dan ektui go 13 jahkásaš lea rávásmanagis ja lea rávásmuvvamin sihke rumašlaččat ja silolaččat. Dat duohtadilli ahte ledje maiddái eanet boarrásat bártnit mielde iešguđet dáhpáhusain, lea várra dahkan du vásáhusaid vearrábun.
Dat maid don leat vásihan, ii leat du sivva. In jáhke gávdnot fasihttavástádus dasa mii lea dábálaš rávásmanagis. Muhto ii leat nu eahpedábálaš ahte muhtumat rávásmanagis iskkadit masturberema ovttas earáiguin. Dat ahte eai váldán du duođas ruovttus, lea maid várra okta sivain dasa ahte don dál ražat dainna. Mii rávvet du váldit oktavuođa iežat doaktáriin, gii fas sáhtte lágidit du viidáseappot psykologii, terapevtii dahje earáide. Dehálaš lea beassat háleštit muhtumiin dan birra. Mu lea veahkehan guhkit áiggi háleštit áššedovdiiguin. Sáhtát maid fitnat čujuhusas www.fmso.no mii lea “Forening Mot Seksuelle Overgrep” nammasaš Norgga searvvi oanádus. Doppe oainnát lea go guovddáš dakko lahkosiin gos don orut. Sii sáhttet veahkehit du viidáseappot, ráđiiguin, háleštemiiguin jna. Galggat áinnas ge fas sáddet midjiide mailla, jus dus ležžet eanet gažaldagat. Lihku viidáseappot. Fuolat iežat. It don leat okto.
Dearvvuođaiguin Johnny