Arkiiva

Gažaldat:

Hei!

Lean máŋga jagi gillán veagalváldimiid, illastemiid ja diekkáriid.
Muitalin dan iežan fástadoaktárii. – Son biehttalii dan ahte dearvvašvuođabargit illastit. Mu veagalválddii muhtun psykiatriijas. Ášši lea váidojuvvon, muhto dat lea sátni sáni vuostá :/
Geainna son mun sáhtán ságastit dan birra?
Mu váhnemat leat dolkan gullamis dan ohpit ja ohpit.
Sivahalan iežan, ja lean sivalaš! Berre go mus leat sivva??
Dearvvuođaiguin Bárdni CK 23,5 jagi

Vástádus:

Hei CK

Dus lei oktavuohta minguin golggotmánus 2013 illasteami birra ja dan birra ahte it jáhkkojuvvo, siva birra jna.
Go eai jáhke olbmo, de dat dovdo issorassan ja dieđusge nu ii berreše leat, muhto mis leat máŋggas vásihan dan politiija, doaktáriid ja eará dearvvašvuođabargiid bealis.
Attán dutnje seamma ráđi go ovddit háve ja háliidan du váldit oktavuođa doarjjaguovddážiin jus dus lea vejolašvuohta? Doppe sáhtát váldit ovdan dan maid don háliidat ja doppe jáhkket maid du. Rávven ságastallama guovttá gaskan dakkár olbmuiguin geat máhttet iežaset áššiid. Fálaldat lea nuvttá.
Bijan mielddusin liŋkka FMSO:ii (searvevuohta seksuála illastemiid vuostá) mas oaidná visogovalaš logahallama das gos guovddážat leat jna.
Ollu lihkkosávaldagat