SMIGažaldat:
Almmái eallima gaskamuttus, gean bearašustit illastii árra mánnávuođas. Cokkai ollásit sisa, njálbmeseksa ja vihtta jagi dovdomoivi. In diehtán mii pedofiliija lea. Uhca gánddaš gii gáttii rávesolmmoš lea su irgi. Illasteaddji lei mu čiegusvuohta, maid mun galgen doalahit čiegusin baluin ja heahpadiin. Dalle nu go dál ge, dievas jápminbalus návccaid haga veahkehit iežan. Ii oktage eará fuolahan mu dalle. Dat gárttai munnje sorbmin. Dál in nagot dan gieđahallat. Mu nisu diehtá eatnaša ja doarju mu, muhto mus lea nu ollu ballu ja mun duvddán su eret. Soapmásat mu eallimis leat beassan diehtit osiid duohtavuođas, máŋgasa sis ge lean duvdán eret. Mun lean lihkostuvvan bargoeallimis, muhto lean “buollán”. Lean nuonddahuvvan deaivvadettiinan iežainan, in ge nagot šat eanet terapiija. Lean hearddoheapme. In nagot luohttit geasa ge. Dovddan iežan behtohallan, dávjá ja lean suhttan alccesan. Lean sakka suhttan iežan lagamusaide, ja balan sakka navdojuvvomis “riehpun”. Mus lea stálleballu das ahte dat mihtilmasvuohta báhcá mu muitomearkan. Maid barget dakkárat go mun, geat eai šat gille, eai ge duostta šat eanet? Geat leat jávkamin.
Vástádus:
Lean ieš vásihan ollu das maid don čálát. Dat illasteamit maid mun vásihin bajásšattadettiinan ledje mu čiegusvuohta maid mun ballen dego jápmimis ahte giige galggai dan fuobmát, ja jurddašin ahte mun lean áidna olmmoš gii dan vásihan ja ahte ii lean ii oktage gii sáhttá mu veahkehit. Go illasteapmi namuhuvvui sosiála oktavuođain dahje mediain, de dan maŋŋá sáhtten guhkká šlundát.
Ožžon veahki gávdnat geainna sáhtán váldit oktavuođa vai beasan viidáseappot. Dat ahte don dás sáddet midjiide dieđu, ja ahte don leat leamaš terapiijas, čájeha ahte don duođas leat bargagoahtán iežat váttisvuođaiguin. Ii makkárge riebuid álggahivččii dakkár proseassa. Orru leamen nu ahte don leat oalle diehtomielalaš iežat ektui. In dieđe makkár terapiija don leat geahččalan in ge dan ge leat go geahččalan iešguđet terapevttaid. Mun válden áiggi mielde oktavuođa doarjjaguovddážiin ja ožžon oktavuođa dakkár terapevttain geasa mun luhtten. It čále gos riikkas don orut, muhto doppe gávdnojit doarjjaguovddážat main leat vásáhusat albmáiguin. Oslos lea earret eará SSMM (guovddáš seksuála gillán albmáid várás).
Mun rávven du váldit oktavuođa doarjjaguovddážiin dahje fástadoaktáriin gávdnan dihtii eará terapevtta geasa sáhtát luohttit.
Dearvvuođaiguin Odd Sverre