SMIGažaldat:
Gillájin seksuála illastemiid mánnán go 2 albmá illasteigga mu seksuálalaččat. Lean leamaš rievttis ja goappašagat dubmehalaiga. Nubbi dubmehalai 9 jagi ja 6 mánu giddagassii ja nubbi fas čohkkat jagi ja 4 mánu.
Lean jorran olggos sisa psykiatriijas gos lean ohcan veahki.
Jearaldat lea ahte šaddá go geahppasat dainna eallit dađi mielde go áigi vássá?
Vástádus:
Hei ja giitu mailla ovddas!
Mun ádden dain ráŋggáštusain maid birra don čálát dás, ahte don leat vásihan issoras dáhpáhusaid, muhto lean ilus du bealis go illasteaddji guovttos ráŋggáštuvvuiga.
Du gažaldahkii mun vástidan ahte eallit dakkár gillámušaiguin maid don leat vásihan mánnán, lea hástaleaddji. Daid olmmoš ii vajáldahte ja dehálaš lea hárjánit eallit daid gillámušaiguin maid don leat vásihan. Rivttes ja heakkadehálaš dikšu, dáhpáhusa gieđahallan, lea hirpmus dehálaš dan dáfus ja áddjás ášši. Sivahala sudno ja heahppášuhte sudno geaidda sivva gullá, ja dat gullá dušše illasteddjiide. Don čálát ahte don leat jorran olggos sisa psykiatriijas ja doaivvut doppe ožžon muhtun muddui veahki, muhto leat go goassege ohcan veahki doarjjaguovddážis?
Don it muital gos riikkas don orut, ja danne bijan mielddusin liŋkka FMSO ( http://www.fmso.no/
Mii rávvet du váldit oktavuođa dakkár guovddážiin, go sis dáidet leat ságastallanjoavkkut ja/dahje oktagaslaš ságastallamat mat leat veahkehan ollugiid mis Gillánalbmá lahtuin. Ságastallamat guovddážiin lea fálaldat mii lea nuvttá eai ge sii čále journálaid ja beasat ieš válljet gos ja goas háliidat ságastallat. Deaivvadit eará gillájeddjiiguin dáidá munnje leat leamaš buoremus vuohki dasa mo ieš sáhtten veahkehit iežan, ja dan mun sáhtán árvalit.
Sávan dutnje ollu lihku, Andre, ja váldde áinnas ge fas oktavuođa.
Dearvvuođaiguin
Jarle Holseter
Gillánalbmá doaimmahus http://utsattmann.