§1 Ulbmil:
Ollit buot albmáide geat leat gillán seksuála illastemiid mánnán ja bidjat siva ja ovddasvástádusa dasa geasa dat gullá.

§2 Searvvi bargamušat:
Rávvet eiseválddiid
Juohkit dieđuid ja oaivadit gillán bártniid ja albmáid, oapmahaččaid ja veahkkeásahusaid, iežamet neahttasiiddus
Oassálastit árjjalaččat servodatdigaštallamii
Muitalit vejolašvuođa birra oažžut veahki alccesis, ja veahkehit jus mii sáhttit
Ovttasbargat doarjjaguovddážiiguin, eará guoskevaš doibmiiguin ja almmolaš veahkkeásahusaiguin
Muitalit resurssaid birra
Seammadilálaš albmáid bargu
Bargat árjjalaččat geafivuođa ja sosiála olggušteami vuostá
Ásahit ja jođihit deaivvadansajiid gillán bártniid ja albmáid várás buot riikka fylkkain
Gillánalmmái ii galgga váldit ruhtavuoittu
Gillánalmmái lea servodaga sosiála huksejeaddji
Gillánalmmái lea riikkaviidosaš organisašuvdna mas leat báikkálaš ossodagat ja doaimmat uhcimusat viđa fylkkas.

§3 Lahttuvuohta ja lahttuvuođamáksu:
1. Buot albmát geat leat vásihan seksuála illastemiid ja geain muđuid lea vásáhus seksuála illasteamis, sáhttet leat ollesárvosaš lahtut. Ođđa lahtuid galgá eará olmmoš gii gullá Gillánalmbmá searvái, leat evttohan, ja stivra dohkkehan.
2. Organisašuvdna lea rabas doarjjalahtuide, geain lea sárdnunvuoigatvuohta, muhto ii fal jienastanvuoigatvuohta. Sii sáhttet jahkečoahkkima mearrádusa vuođul válljejuvvot stivrii dahje oažžut eará doaibmansajiid organisašuvnnas. Organisašuvnnat sáhttet maid leat doarjjalahttun, sárdnunvuoigatvuođain muhto eai fal jienastanvuoigatvuođain.
3. Lahttuvuođamávssu mearrida jahkečoahkkin ja dat máksojuvvo ovddalgihtii. Lahtut geain lea lahttuvuođavealgi eanet go jagi ovddas, ii leat jienastanvuoigatvuohta dahje eará vuoigatvuođat, ja stivra sáhttá sin sihkkut searvvi lahttun. Jus lahttu sihkkojuvvo, de son ii sáhte beassat lahttun ovdalgo lahttuvuođamáksu lea máksojuvvon.
4. Lahtuin geat leat máksán lahttuvuođamávssu, lea jávohisvuođabággu dakkár sensitiivva persovdnadieđuid ektui maid sii leat ožžon diehtit.
5. Lahtut geat leat máksán lahttuvuođamávssu, fertejit dohkkehit ahte geavahuvvojit govat, artihkkalat ja eará oainnusindahkan Gillánalbmá barggu oktavuođas, jus eará ii leat sohppojuvvon.

§4 Jahkečoahkkin:
Jahkečoahkkin, mii dollojuvvo juohke jagi miessemánus, lea searvvi bajimus eiseváldi. Stivra gohčču lahtuid jahkečoahkkimii uhcimusat mánu ovdal jahkečoahkkima. Evttohusat, maid jahkečoahkkin galgá meannudit, galget leat sáddejuvvon stivrii maŋimusat guokte vahku ovdal jahkečoahkkima. Lahtut galget beassat oaidnit dievaslaš áššelistta maŋimusat vahku ovdal jahkečoahkkima. Buot lahtut besset jahkečoahkkimii. Stivra sáhttá bovdet earáid ja mediaid jahkečoahkkimii. Jahkečoahkkimis lea mearridanváldi dainna jienastanvuoigaduvvon lahtuid loguin mat oassálastet jahkečoahkkimii. Ii ovttas ge leat eanet go okta jietna ii ge jienasteapmi sáhte dahkkojuvvot fápmudusain. Jahkečoahkkin ii sáhte meannudit evttohuvvon njuolggadusrievdadusaid mat eai leat áššelisttas maŋimusat vahku ovdal jahkečoahkkima. Eará áššit sáhttet meannuduvvot ja mearriduvvot go 2/3 oassi sis geat oassálastet gáibidit dan. Dakkár mearrádus sáhttá dušše dahkkojuvvot áššelistta dohkkeheami oktavuođas.
Jahkečoahkkima jođiha válljejuvvon čoahkkinjođiheaddji, gii ii dárbbaš leat searvvi lahttu. Jus eará ii leat mearriduvvon, de lea mearrádus fámus dábálaš eanetloguin dain geat leat jienastan. Guoros jienat eai adnojuvvo jienastahkan. Válljemat čađahuvvojit čálalaččat go leat eanet go okta evttohus. Dušše evttohuvvon evttohasat sáhttet čállojuvvot jienastanlihppui. Jus eanebut galget válljejuvvot seamma jienasteamis, de galgá jienastanlihpuin leat dat iešguđet evttohasaid lohku mat galget válljejuvvot guoskevaš jienasteamis. Guoros jienastanlihput, dahje jienastanlihput main leat evttohasat geat eai leat evttohuvvon, dahje jienastanlihput main lea eará evttohaslohku go dat geat galget válljejuvvot, eai lohkkojuvvo, ja jienastagat eai dohkkehuvvo leat addojuvvon. Go válljen dáhpáhuvvá ovttaid mielde ja evttohas ii fidne eanet go beali addojuvvon jienain, čađahuvvo čadnojuvvon ođđasis válljen dan guovtti evttohasa gaskkas geat leaba ožžon eanemus jienaid. Go ođđasis válljemis ge leat seamma mađe jienat, de válga mearriduvvo vuorbádemiin.

Jahkečoahkkin galgá:
Meannudit Gillánalbmá jahkedieđáhusa
Meannudit Gillánalbmá rehketdoalu
Meannudit evttohusaid mat leat boahtán

Válljet:
Jođiheaddji
Várrejođiheaddji
Stivralahtuid

§5 Erenoamáš jahkečoahkkin:
Erenoamáš jahkečoahkkin dollojuvvo go stivra dan mearrida, dahje go uhcimusat goalmmádas oassi jienastanvuoigaduvvon lahtuin dan gáibidit. Gohččun dahkkojuvvo seamma láhkai go dábálaš gohččun jahkečoahkkimii, dieđihemiin uhcimusat 14 beaivvi ovdal čoahkkima. Erenoamáš jahkečoahkkin sáhttá meannudit ja mearridit dušše daid áššiid mat leat almmuhuvvon gohččumis.

§6 Stivra:
Stivra, mii lea bajimus eiseváldi jahkečoahkkimiid gaskkas, jođiha Gillánalbmá. Stivrras lea jođiheaddji, nubbijođiheaddji ja eanemusat 2 stivralahtu. Stivra válljejuvvo guovtti jahkái, vejolašvuođain ođđasis válljejuvvot. Stivra galgá doallat čoahkkima go jođiheaddji dan gáibida, dahje go stivralahtuid eanetlohku dan gáibida. Stivrras lea mearridanváldi go stivrra eanetlohku lea das. Mearrádus dahkkojuvvo addojuvvon jienaid eanetloguin. Go jienasteamis leat ovtta ollu jienat, de lohkkojuvvo stivrajođiheaddji jietna duppalin.

§7 Stivrra bargamušat:
Stivra galgá:
Čađahit jahkečoahkkima mearrádusaid.
Nammadit dárbbu mielde lávdegottiid/olbmuid sierra bargamušaid várás ja ráhkadit instruvssa daidda.
Hálddašit ja fuolahit dárbbašlaš bearráigeahču Gillánalbmá ekonomiijain, gustojeaddji instruvssaid ja mearrádusaid vuođul.
Son gean/Sii geaid stivra nammada, galgá/galget ovddastit Gillánalbmá.
Virgádit beaivválaš jođiheaddji ja ráhkadit bargoinstruvssa sutnje.

§8 Lihccun:
Son guhte rihkku dahje vuosttalda Gillánalbmá njuolggadusaid, sáhttá lihccojuvvot gaskaboddasaččat dahje eallinahkái, dakkár mearrádusa dahká stivra.

§9 Heaittiheapmi:
(Dát paragráfa ii sáhte rievdaduvvot.)
Gillánalbmá heaittiheapmi sáhttá meannuduvvot dušše erenoamáš jahkečoahkkimis. Jus heaittiheapmi mearriduvvo uhcimusat 2/3 eanetloguin, de gohččojuvvo erenoamáš jahkečoahkkimii 3 mánu maŋŋá. Jus heaittiheapmi galgá čađahuvvot, de ferte mearrádus geardduhuvvot das 2/3 eanetloguin. Ovttastupmi eará beroštusorganisašuvnnaiguin ii adnojuvvo Gillánalbmá heaittiheapmin. Ovttastahttinmearrádus ja dárbbašlaš láhkarievdadusmearrádus dan oktavuođas dahkkojuvvojit láhkarievdadusmearrádusaid vuođul. Gillánalbmá heittiheami oktavuođas galget ruđat mat leat báhcán, sirdojuvvot dakkár organisašuvdnii mas lea sullasaš ulbmil, ovdamearkka dihtii doarjjaguovddážiidda mat leat seksuála illastuvvon olbmuid várás.

§10 Njuolggadusaid rievdadeapmi:
Dát njuolggadusat sáhttet rievdaduvvot dušše dábálaš dahje erenoamáš jahkečoahkkimis, maŋŋágo dat leat leamaš áššelisttas, ja gáibida 2/3 oasi addojuvvon jienain. §11 Vuolláičállinmearrádusat ja prokura Vuolláičállinvuoigatvuohta ja prokura Gillánalbmá namas addojuvvo beaivválaš jođiheaddjái ja stivrra jođiheaddjái iešguhtiige.

§11 Signaturbestemmelser og prokura:
Signaturrett og prokura på vegne av Utsattmann tildeles daglig leder og styrets leder hver for seg.