Konfirmánttat Askera girkus

Lagt ut: april 20, 2016

Asker

Gáddet go ahte 15-jahkásaččat leat coahkásat, boreštumi giddekeahtes olbmot dahje menddo iešberošteaddjit, de leat ádden áibbas boastut. Maŋŋebárgga cuoŋománu 19. beaivvi galledii Gillánalbmá stivrajođiheaddji 75 konfirmántta Akera girkus. Sii čohkkájedje dego buolli gintalat go sii guldaledje bajsšaddama birra mas ledje seksuála illasteamit ja daid čuovvumušaid birra maid illasteamit sáhttet dagahit mánnái. Sii ledje aktiivvat ja jearahalle jierbmámus ja persovnnalaš áššiide guoski gažaldagaid soamálaš ja berošteaddji vuogi mielde. Mobiltelefovnnat bisso lupmas olles diimmu, eai ge daid čuodjamat oktiige vuorjan deaivvadeami. Čiegos árvvoštallamis maŋŋá bođii ovdan ahte ahte sis lei leamaš hui buorre ja miellagiddevaš eahkit.
Máŋggas sis njuorasmuvve go gulle ovdasága doalli leamen nu persovnnalaš, ja vaikke vel sin ahkeerohus lei 44 jagi, de lokte áibbas bures ovttas.

Mii doaivut ahte Gillánalmmái oažžu ain eanet jearaldagaid searvat konfirmántaoahpahussii dannego dát fáddá lea guovdil dán nuoraidjovkui. Mo ceavzit, mo veahkehit nuppiid ja makkár gaskavuohta olbmos sáhttá leat Ipmila oskui, gii ii oro berošteamen buot das mii lea bahá.

Giitu báhppii Karoline Astrup ja katekehtii Liv-Iren Westnesii go soai bovdiiga Gillánalbmá dán deaivvadeapmál. Moai bohte áinnas ge fas boahtte jagi.