SMIOvdasáhka ordnašuvai maŋŋágo guovttis geat ovddasteigga «Boys House» Helssegis Suomas galliiga Oslos utsattmann.no fierpmádaga ovddasteddjiid giđđat 2013.
Boys House lea álkit olahahtti fálaldat bártniide geat rahčet iešguđetlágan váttisvuođaiguin ovdamearkka dihtii seksuála illastemiiguin.
Vuosttamus geardde áigguiga utsattmann.no fierpmádaga guokte albmá doallat ovdasága eaŋgalašgillii ja moai leimme guktot viehka gealdagasas go joavddaime Helssegii.
Dasa lassin leimme veaháš eahpesihkkarat makkár ulbmiljovkui moai galggaime doallat ovdasága ja áidna maid ovddal gihtii diđiime lei ahte sullii 200 olbmo galge deavdit ovdasáhkalanja ja ahte fáddábeaivi galggai leat seksuálalaččat illastemiid birra maid bártnit/albmát ledje vásihan.
Hirpmástuvaime sakka go čájehuvvui ahte sii ledje čohkken máŋggalágan dearvvašvuhtii gulli fágabargiid, politiija, psykologaid, studeanttaid ja olbmuid Suoma ráđđehusas.
Ovdasáhka lihkostuvai erenoamáš bures ja guldaleaddjit čájehedje stuorra beroštumi ja jerre dađistaga ollu gažaldagaid ovdasága doallama miehtá.
Lávdedigaštallamis maŋŋá digaštallui hui ollu seksuála illastemiid gažaldagaid birra ja moai dovddaime ahte moai nákciime gaskkustit min vásáhusaid Norgga bealde.
Dađe bahábut Suopma lea veaháš min maŋábealde divššu ja illastuvvon olbmuid čuovvoleami hárrái ja moai doivo ahte munno oassálastimiin dán dehálaš fágabeaivvi ahte veahkkeásahusat nannejuvvojit nu ahte nu ollugat go vejolaš ožžot veahki.
Dat dieđáhusat maid oaččuime ruovttoluotta ledje hui buorit ja guokte duhtavaš gándda vulggiiga ruoktot Norgii nuppe beaivve.