SMIGažaldat:
Mu eadni illastii mu gándan.
Olles iežan eallimis leat mus leamaš váttisvuođat gávdnat dássedeattu nissonolbmuid ektui. Háliidan beassat gaskavuhtii, muhto dovddan eahpádusa/ morsiid ja eatni gaskasaš guovttádastima. In háliit ahte mu moarsi galgá leat sadjásaš eadni, muhto dušše moarsi. Mus lea váttis earuhit dan guoktá, ja dovddan morraša ja moivvi.
Mo galggan nagodit guođđit daid dáhpáhusaid, vai heiven buorebut dábálaš oktavuhtii nieiddain?
Ja gos de sáhtán ohcat veahki?
Vástádus:
Hey.
Mo áibbas sihkkarit galgá čoavdit dán ášši, lea álo dat stuorra gažaldat.
Muhto álo lea veahkki oažžumis.
Lean ieš ožžon ollu veahki SSMM:s Oslos, nu ahte jus orut Oslo-guovllus, de mun garrasit rávven du váldit singuin oktavuođa. Neahttasiiddus utsattmann.no leat eanet dieđut. Attán dattetge dutnje telefovdnanummara 22424202. Doppe deaivvat 2 guoibmás albmá.
Lean geavahan SSMM fargga 12 jagi (uhcit eanet) ja lean hui duhtavaš dainna mo sii lágidit barggu. Fálaldaga lea álki oažžut ii ge dárbbaš vuordit nu guhká. Du fástadoavttir lea nubbi vejolašvuohta, son berre diehtit mo don galggat váldit oktavuođa iežat lagamusaiguin.
Guovllupsykiatriijaguovddáš gohčoduvvo maiddái DPS:n.
Muitte ahte dát ii leat du sivva ja ahte don it leat okto dán máilmmis, doppe leat ollu munno lágánat.
Jus dus leat eanet gažaldagat, de ale bala jearramis, eai leat jallas gažaldagat.
Dearvvuođaiguin
Tomm Erik
Hei.
Sáhttá leat veahkkin ohcat oktavuođa doarjjaguovddážiin ruovttugávpogis, dahje SSMM:s (doarjjaguovddážiin seksuálalaččat illastuvvon albmáid várás) Oslos jus it háliit oktavuođa nissonolbmuiguin dán áššis. Lea oalle dábálaš ahte lea ambivaleanta oktavuohta gaskal mánnávuođa illasteaddji ja gaskavuođaid iežas “rávesolbmo eallimis”.
Mun jáhkán ahte jus galgá beassat eret dáin vásáhusain, de ferte oahppat eallit dainna duohtavuođain ahte juoga issoras lea dáhpáhuvvan. Dađe bahábut dat ii jávkka, muhto lea vejolaš oahppat eallit dainna, ja eallit dábálaš eallima.
Ieš mun nagodin dan psykologa vehkiin. Bija siva rivttes sadjái, ja earut gaskal illasteaddji ja daid earáid geat ráhkistedje mu. Dat lei lossa áigi, muhto eahpitkeahttá dat gánnáhii.
Aŋkke, mun rávven váldit oktavuođa SSMM:in, don gávnnat gulahallandieđuid dás utsattmann:no leaŋkkas gurot bealde. Doppe sis lea vásáhus ja sii sáhttet ráhkadit plána dutnje, ja du viidásat bargui. Jus it ane váttisvuohtan ahte nissonolbmot veahkehit du, de sáhttá doarjjaguovddáš veahkehit du, ja dáid gávdná miehtá riikka. Daid gávnnat maiddái utsattmann.no ovdasiiddu gurot bealde fálus. Eará vejolašvuohta lea váldit oktavuođa iežat fástadoaktáriin ja oažžut oktavuođa psykologain (mii nu go mun dadjen, lea doaibman bures munnje).
Doaivvun dát veahkeha
Harald
utsattmann.no