SMIGažaldat:
Mun illastuvvojin 13-14 jahkásažžan. Dovdu lea álo leamaš das, muhto mun lean nagodan jurddašit eará birra ja bargat eará áššiiguin, nu go oastit vaikko maid, ja dat lea váikkuhan mu ekonomiijii. Dál fargga in nagot šat eanet, jurddašan eanet ja eanet dan birra mii dáhpáhuvai. Dás muhtun beaivvi gahččen čoahkkái barggus ja fertejin mannat ruoktot. Muhtun jagiid dás ovdal geahččalin sorbmet iežan go vudjen badjel geainnu. Mus lea ballu, heajos iešdovdu, váttisvuođat luohttit olbmuide. In dieđe maid galggažan bargat. Veahkehehket mu!
Vástádus:
Hei
Ja giitu buori gažaldaga ovddas. Ollugat leat du dilis miehtá riikka ja sii jerret seamma gažaldaga go don ge. In dieđe lea go dus leamaš oktavuohta doarjjaguovddážiin ja/dahje eará veahkkeásahusain. Dan mun rávven du dahkat vuosttamužžan. Doarjjaguovddážii sáhtát mannat ja háleštit olbmuiguin geat leat vásihan dan seammá go don ge. Ovttas dii sáhttibehtet plánet barggu viidáseappot. Dás gávnnat guovddáža mii lea du iežat guovllus, ja mas sáhtát ohcat veahki:
Jus háliidat psykologaveahki, de lea buorre jurdda háleštit iežat fástadoaktáriin. Son sáhttá veahkehit du oažžut oktavuođa psykologain. Gávdnojit ollu buorit fálaldagat. Mii leat ollugat geat leat leamaš du dilis, ja dehálaš lea muitit ahte dilli buorrána. Don leat váldán dehálaš lávkki dál go leat váldán oktavuođa, muitalan iežat váttisvuođaid birra. Doaivvun ahte dát livččii veahkkin dutnje. Sávan lihku viidáseappot.
Dearvvuođaiguin Harad